A la une

Brezhoneger ar bloaz eo Gwenael Oillo. Ar paotr yaouank-mañ en deus savet e lec'hienn internet, Ur bed e brezhoneG, hag embann a ra warnañ filmoù berr graet gantañ. E film diwar-benn Jorj, ur bolomig paper, a c'heller gwelout amañ : http://www.france3breizh.fr/participez/passeurs-images/articles/troiou-k...

Genidik eus bro Gembre, Lleuwen Steffan he deus desket ar brezhoneg hag implijet anezhañ war he fladenn ziwezhañ, "Tân", ur bladenn gant livioù folk, pop ha blues.

Gant ti-kêr Karaez eo aet priz ar brezhoneg er frammoù publik. Tizhet eo bet gant an ti-kêr live 3 ar garta "Ya d'ar brezhoneg", al live uhelañ.

Dibabet en deus ar juri reiñ Priz ar C'hevredigezhioù da V/Babigoù Breizh, evit bezañ digoret ar c'hentañ magouri e brezhoneg penn-da-benn, e Gwened. Raktresoù all a zo war ar stern gant ar gevredigezh, magourioù all a vo digoret en amzer da zont.